nytt hovd

Eric og Candace Johnson í Filadelfia PDF Print E-mail
Mánadagur, 19 Mai 2014 18:58


Filadelfia johnson stevnaEric og Candace Johnson vitja Føroyar!

 

Síðsta vikuskifti í juni fáa vit forvitnisliga vitjan í Filadelfia. Tað er senior pastor­parið „Eric og Candace Johnson“ úr Beth­el í Redding, California, ið koma á vitjan.

Bethel samkoman er vorðin heims­kend seinastu árini vegna áhaldandi vek­ing í fleiri ár. Fyrsti kunnleikin, eg fekk um tað, ið hendir í Redding, var gjøgnum bókina „When Heaven Invades Earth“, skrivað av Bill Johnson, ið er pápi Eric John­son. Bókin var so hugvekjandi og eggjandi, at eg fór at finna aðrar bøkur av Bill Johnson, og seinni fann eg talur bæði av Bill Johnson, Kris Valloton, Danny Silk, Eric Johnson og fleiri øðr­um. Í apríl/mei 2012 var eg og vitjaði samkomu teirra, og varð eg ógvuliga grip­in av teirra sterka focus á nærveru Guds, tilbiðjan og lovsang. Tað var so undurfult at kenna eitt umhvørvi, sum angar av himmalskari atmosferu. Teirra fokus á Guds nærveru hevur ført til nógv undurverk, og m.a. kanst tú á „youtube.com“ síggja „Glory Cloud“, har nærvera Heilaga Andans manifesterar seg á ein ser­ligan og sjónligan hátt. 

Bill Johnson er heimskendur. Hann hevur ferðast kring allan heimin, men hev­ur seinastu árini minka um ferðir sín­ar, og nú er tað meir og meir Eric John­son – sonurin – ið ferðast, og er stórur eftir­spurn­ingurin eftir honum. Hetta hevur m.a. gjørt, at vit ikki hava fingið vitjan frá Redding fyrr enn nú. Fyri okk­um føroyingar er hetta ein heldur keði­lig tíð, tá flestu føroyingar hesa tíði­na av árinum eru á veg í summarfrí í útlondum. Vit hava tó valt at taka av vitjanini, og vóna harvið at tey kunnu koma skjótt aftur, og møguliga eisini aðrar tænastur úr Redding.

Stevnan byrjar fríggjakvøldið 27. juni kl. 20.00 og heldur fram leygardagin við 3 sektiónum: kl. 10.00, kl. 14.00 og kl. 19.00, sum er seinasta stevnumøti.


Stevnu­gjaldið er kr. 300 pr. persón og kann gjaldast, tá møtt verður

ella við at flyta peningin á kontu í Eik Banka nr. 9181-423.554.3.


Umframt lov­sangshópin í Filadelfia, fara lovsangs­bólk­arnir úr Libanon í Sørvági og Oas­uni í Hoyvík at luttaka.

Sunnumorgun kl. 11.00 talar Eric á møtinum, ið er alment. Vit vænta at Candace Johnson fer at hava orðið á onkrum av fundunum, men hetta hava vit heitt á tey um at avgera sjálvi.

Vit gleða okkum almikið til hesa vitjan, og vit vóna at hølir okkara verða fylt á tremur.

Øll eru hjartaliga vælkomin.

tj

 

 
Seminar um Ísrael 17. mai PDF Print E-mail
Hósdagur, 01 Mai 2014 09:21

goldengatescroll14. mai verður ísraelska tjóðin 66 ár og í tí sambandi verður ísrael-seminar leygardagin 17. mai kl. 10 í Filadelfia í Havn.

 

At vit liva í háprofetiskum tíðum er nokk eingin í iva um. Eitt av sterk­astu tíðarteknum nakrantíð – jødiska fólkið og Ísrael – eru komin heim aftur og gjørdu tað, ið eingin nærum tordi at droyma um, nevniliga upp­fyltu profet­iska orðið og gjørdist tjóð aftur í 1948. Sostatt uppfyltu tey bók­staviliga orð Bíbliunnar, ið vóru søgd fyri túsundum av árum síðani við profet­arnar.

 Men ikki bara komu tey heim aftur. Sjálvt hebraiska málið, ið hevði ligið í dvala stóra partin av 2000 árum – gjørdist vanliga mál teirra aftur. Ein uppreisn hendi, ikki bert við teirra Messiasi fyri 2000 árum síðani, men eisini móðurmál teirra reis upp aftur – kunnu vit siga – frá deyðum – og gjørdist livandi mál teirra, ið verður tosað av hvørjum mansbarni í Ísrael í dag. Eitt undur – uttan sín líka.

 

Zak. 12:2-3

2: Eg geri Jerúsalem til sløðriskál fyri øll fólkasløgini rundan um tað; eisini Juda skal fáa av at vita, táið Jerúsalem verður kringsett.

3: Tann dag skal Eg gera Jerúsalem til hav fyri øll fólkasløg; ein og hvør, ið roynir at lyfta tí, skal særa seg sjálvan. Øll fólkasløg á jørðini skulu savnast móti tí.

 

Set henda dagin av fyri at fáa meira at vita, hvat hendir á profetiska pallinum – politiskt eins væl og andaliga. Vit liva á seinastu døgum og Ísrael og jødiska fólkið eru Guds stóra tímaglas fyri henda heim. Ger teg til reiðar til endatíðina. Hon er her. Tú ert partur av henni. Tað er av stórum týdningi, at vit sum kristin vita, hvat liggur fyri framman – eisini viðvíkjandi jødiska fólk­inum og Ísrael.

 So í samband við, at Ísrael er 66 ár í ár verður seminar leygardagin 17. mai frá kl. 10 til 15. Seminarið er býtt upp í 4 partar, har høvi eisini er at fáa kaffi og ábit. Kostnaðurin er kr. 50/- fyri hvønn. Ikki er neyðugt at tekna seg. Undirvísari verður Fríðtór Debes.

Fríðtór Debes




 
Fyrilestur um forfylgd kristin í Miðeystri PDF Print E-mail
Leygardagur, 19 Apríl 2014 10:30

 

verður í  Norðurlandahúsinum sunnudagin 27. Apríl kl. 16.

Kostnaður: 165 kr.

Fyri lesandi: 120 kr.

Atgongumerki fáast á www.nlh.fo og í NLH

kollasja wivel

Tann sonevndi arabiski uppreisturin er vorðin ein sonn marra fyri mong kristin, sum rýma í hópatali úr arabiska heiminum. Í Norðurlandahúsin sunnudagin 27. apríl fer Klaus Wivel, journalistur og korrespondentur á donsku Weekendavísini, at greiða frá nýggju bókini “Den sidste nadver – en rejse blandt de efterladte kristne i den arabiske verden”.

   Í mong ár hava tey kristnu verið umleið 10 prosent av tí samlaða fólkatalinum í arabiska heiminum. Í dag eru umleið fýra prosent eftir. Tey rýma undan forfylging, diskriminatión, álopum og hóttanum, og fyri mong kristin hevur tann sonevndi arabiski uppreisturin, sum byrjaði á vári í 2011, einans verra um støðuna. Amnesty International, Angela Merkel, tíðarritið Newsweek og aðrar globalar røddir hava seinastu mánaðirnar rópt varskó.

   Í vesturheiminum verða tey sædd sum arabarar og fáa lítla og onga hjálp. Heima í Miðeystri verða tey sædd sum kristin, sum hoyra heima í vesturheiminum. Tey gerast tí offur í einum størri stríði millum vesturheimin og muslimska heimin. Einum stríði, sum ikki er teirra.

   Seinastu árini hevur Klaus Wivel, sum er rithøvundur, journalistur og korrespondentur á donsku Weekendavísini, ferðast millum tey kristnu í Miðeystri og skjalfest teirra lagnur. Í Gaza-geiranum, á Vestara áarbakka, í Libanon, Egyptalandi og Irak hevur hann tosað við kvinnur og menn, gomul og ung, prestar og aktivistar, sum øll hava rindað kostnaðin fyri at hoyra til ein minniluta, og sum øll hava ein felags ótta fyri at vera noydd til at rýma.

   “Vit skulu ikki hjálpa teimum kristnu í miðeystri, tí tey eru kristin, men tí tey eru menniskju”, sigur Klaus Wivel, sum í løtuni er USA-korrespondentur fyri Weekendavísina og býr í New York.

   Bókin “Den sidste nadver – en rejse blandt de efterladte kristne i den arabiske verden”, kom út á heysti í 2013 og hevur elvt til nógv kjak (sí brot úr ummælum niðast). Høvundurin hevur funnist hvassliga at bæði politikarum og miðeystur-serfrøðingum, og 27. februar var opið samráð í uttanríkispolitisku nevndini í danska fólkatinginum um spurningin.

   Men hví fór Wivel í holt við sína ferð ígjøgnum Miðeystur? Hvat er endamálið við bókini? Hví skriva eina bók um forfylgd kristin, tá so nógvir aðrir bólkar eisini verða forfylgdir? Kann Wivel gerast eitt hent amboð hjá politiskum kreftum, sum stríðast ímóti muslimum í vesturheiminum?

   Heini í Skorini skipar fyri tiltakinum, sum verður í Norðurlandahúsinum sunnudagin 27. Apríl kl. 16, og eftir framløguna verður høvi at seta spurningar.


Soleiðis skrivaðu bløðini um “Den sidste nadver” eftir Klaus Wivel:

Berlingske Tidende: “Tankevækkende og til tider gruopvækkende skildring af virkeligheden for forfulgte kristne.”

Politiken: “Forfærdende og intense beretninger om gru og afmægtig hævngerrighed, sekterisk vold, afbrænding af kirker og fordrivelse af kristne.”

Information: “En velskrevet og højst læseværdig bog.”

Weekendavisen: “Overvældende relevant bog med skræmmende dokumentation.”

Sydsvenska Dagbladet: ”En viktig bok om de kristnas utsatta situation.”

Jyllandsposten: “Oplysende, oprørende og veldokumenteret læsning.”

Kristeligt Dagblad: “En glimrende og stærkt deprimerende reportagebog om de kristnes kvaler i Mellemøsten.”



 
«Heilt afturAftur12345678910FramHeilt fram»

Síða 1 av 16

Beinleiðis møtir

Hvønn sunnumorgun kl. 11

 

> Størri mynd
 

> Leinkja til eldri møtir / undirvísingar

Skráin

Skráin september

Mánadagin 01. sep.

Kl. 20.00 Bønarskúlin

 

Mikudagin 03. sep.

Kl. 16.30 Bøn fyri Ísrael og býnum

 

Leygardagin 06. sep.

Kl. 09.00 Morgundrekka

Ruddi og arbeiðsdagur

 

Sunnudagin 07. sep.

Kl. 11.00 Morgunmøti við ABC. Mariann Jacobsen talar

Sunnudagsskúli

Kl. 19.00 Sellubólkur hjá Samuel Joensen

Kl. 19.00 Hugnaløta fyri ung frá 4. fl. í íbúðini

 

Mánadagin 08. sep.

Kl. 20.00 Bønarskúlin

 

Mikudagin 10. sep.

Kl. 16.30 Bøn fyri Ísrael og býnum

 

Sunnudagin 14. sep.

Kl. 11.00 Morgunmøti við breyðbróting. Fríðtór Debes talar.

Sunnudagsskúli

Kl. 19.00 Sellubólkur hjá Samuel Joensen

Kl. 19.00 Hugnaløta fyri ung frá 4 fl. í íbúðini

 

 

 

 

 

Stuðlað hevur:

 

oljusolan

 Tel 555200


Tel 234828

 

Tukan 100 dpi til Filadelfia 1

Tel 211861